怒火漫延|謝霆鋒再任動作導演 劉德華嘆難︰17個動作有16個唔得

怒火漫延|謝霆鋒再任動作導演 劉德華嘆難︰17個動作有16個唔得

香港警匪動作電影《怒火漫延》,由劉德華謝霆鋒、呂良偉、方平、陳家樂、何珮瑜、此沙、楊天宇、胡子彤竹及張文傑等主演,許冠文特別演出。劉德華與謝霆鋒在擔任男主角之餘,更分別身兼監製及動作導演一職。電影今日(17日)舉行開鏡儀式,祈求拍攝順利、票房大好。

劉德華與謝霆鋒於《怒火漫延》開鏡儀式上接受訪問,提到二人原來已經多年未有合作,劉德華欣喜地表示:「12年前我哋合作《新少林寺》,當時都係演員身份,今次大家都有一個新身份,武術指導啦、我係監製啦。希望喺我哋兩個認識嘅世界底下,重新再演繹陳木勝嗰啖火,可以繼續蔓延。」劉德華形容12年後的謝霆鋒更為成熟,在動作表演上展示潛質與能力:「既然有一個咁好嘅時間,希望香港有一個下一個嘅動作明星。」

謝霆鋒繼《海關戰線》後再次擔任動作導演,亦為是次的電影動作層面「加辣」,他直言:「每一套戲都希望喺動作上面有新嘅創作,大家會難忘嘅創作。」要為劉德華設計動作,謝霆鋒笑指:「我哋拍咗四日華哥嘅動作戲,真係好快手、好犀利,見到咁多年累積好多嘅經驗。」劉德華大讚謝霆鋒專業之餘,亦開玩笑指:「我覺得佢喺所有動作上都好錫我,好早可以知道動作係點,之前會討論。好早畀我知『你有17個動作,有邊啲你唔得?』我話畀佢聽有16個唔得!」

怒火漫延|謝霆鋒再任動作導演 劉德華嘆難︰17個動作有16個唔得

《怒火》導演陳木勝在遺作上映前不幸病逝,劉德華與謝霆鋒對上一次合作電影《新少林寺》亦出於陳木勝導演之手。提到故友兼電影創作的夥伴,劉德華感慨地表示:「我希望木勝嘅嗰把火可以蔓延,咁主要係火蔓延。」謝霆鋒亦透露,原來意義重大的戲名《怒火漫延》由劉德華親題:「其實呢個名係華哥改嘅。」劉德華亦續言:「因為《怒火》上嘅時候,我想大家都知道有一件唔開心嘅事發生,但係好想佢蔓延落去,而佢第一部戲《天若有情》亦都喺我身上發生,咁嗰一剎那好希望可以蔓延落去。」

(0)
上一篇 2023 年 10 月 17 日 3:21 下午
下一篇 2023 年 10 月 17 日 3:38 下午

相关推荐

发表回复

登录后才能评论